Posts

Showing posts from August, 2010

പ്രണയം

പറയാതെ പോയ പ്രണയം
മനോഹരമായ ഒരു പൂവിനെപ്പോലെയാണ്
നഷ്ടബോധം തോന്നിയാല്‍പോലും
ഓര്‍മ്മയുടെ മൃദുദലങ്ങളില്‍ തലോടുമ്പോള്‍
നഖങ്ങള്‍ കൊണ്ടു പോറല്‍ വീഴാതെ സൂക്ഷിക്കും
പറിച്ചെടുക്കാതെ നിര്‍ത്തിയ പുഷ്പം
നാളുകള്‍ കഴിഞ്ഞാലും
അതുപോലെ തന്നെ നില്‍ക്കുന്നത്
ഒരു നിമിത്തമായിരിക്കും.........

പറഞ്ഞൊഴിഞ്ഞ പ്രണയം ഒരു വണ്ടിനെപ്പോലെയും
എപ്പോഴും അത് ചെവിയില്‍ മൂളിക്കൊണ്ടിരിക്കും
അസഹ്യമാവുമ്പോള്‍ അല്പം മദ്യം,
അല്ലെങ്കില്‍ വഴിതെറ്റിക്കാനായി സല്ലാപം
ഇതൊന്നുമല്ലെങ്കില്‍ മൂടിപ്പുതച്ചു കിടന്ന്‌
കൂര്‍ക്കം വലിച്ചുള്ള ഉറക്കം
എന്തായാലും വീണ്ടും വീണ്ടും അത് തിരിച്ചു വരും
കൂടുതല്‍ ശക്തിയോടെ.......